Тақиқловчи белгилар
3.13 «Чекланган баландлик» йўл белгиси

3.13. "Чекланган баландлик" Ушбу белги баландлиги чекланган тоннел, кўприк, эстакадалар, юқори кучланишли электр токи ўтказгичлари ва турли коммуникатсион қурилмалар остидан ўтган йўллар олдида ўрнатилади. Габарит баландлиги белгида кўрсатилгандан ортиқ бўлган транспорт воситаларининг ҳаракатланишини тақиқлайди. Эслатиб ўтамиз, белги бўлмаган тақдирда, йўл ҳаракати қоидасига кўра, транспорт воситаларининг рухсат этилган габарит баландлиги 4 метр қилиб белгиланган. Транспорт воситасининг габарит баландлигини ҳисобга олмай, тақиқланган йўлдан ҳаракатланиши йўл иншоотларига шикаст етказиши, юқори кучланишли электр токи ўтказгичларини узиб юбориши ва бошқа қатор кўнгилсизликларни келтириб чиқариши мумкин.






















