4.8 «Энг кам тезлик белгиланган йўлнинг охири» йўл белгиси

4.8. "Энг кам тезлик белгиланган йўлнинг охири" Бу белги 4.7. рақамли "Энг кам тезлик" йўл белгисининг таъсир оралиғини бекор қилади. Бу йўлда ҳаракатланаётган транспорт воситалари йўл қоидаларига амал қилган ҳолда, истаган тезликларида ҳаракатланишлари мумкин.Ҳайдовчиларнинг буюрувчи белгилар талабига амал қилишлариТранспорт воситаси ҳайдовчилари тақиқловчи белгилар каби барча буюрувчи белгиларнинг талабларига амал қилишлари шарт. Чунки ушбу буюрувчи белгилар йўл ҳаракати қатнашчиларига қайси йўналишда ҳаракат қилишлари кераклигини буюриб, уларнинг ҳаракатини аниқ тартибга солади. Масалан, "Ҳаракатланиш тўғрига", "Ҳаракатланиш ўнгга", "Ҳаракатланиш чапга", "Тўсиқни ўнгдан четлаб ўтиш", "Тўсиқни чапдан четлаб ўтиш", "Тўсиқни ўнгдан ёки чапдан четлаб ўтиш" каби йўл белгиларига, умуман, буюрувчи белгиларга амал қилмаслик йўл – транспорт ҳодисаларининг келиб чиқишига сабабчи бўлади. Истисно ҳолатлари Ушбу 4.1.1. "Ҳаракатланиш тўғрига", 4.1.2. "Ҳаракатланиш ўнгга", 4.1.3. "Ҳаракатланиш чапга", 4.1.4. "Ҳаракатланиш тўғрига ёки ўнгга", 4.1.5. "Ҳаракатланиш тўғрига ёки чапга", 4.1.6. "Ҳаракатланиш ўнгга ёки чапга" йўл белгиларининг белгиланган йўналишли транспорт воситаларига, яъни автобус, троллейбус, трамвай ва йўналишли таксиларга таъсири йўқ. Чапга бурилишни буюрувчи белги орқага қайрилиб олишга ҳам рухсат беради.






















