Ахборот ишора белгилари
5.38 «Турар-жой даҳаси» йўл белгиси

5.38. "Турар жой даҳаси" Бу белги йўл ҳаракати қоидаларининг турар жой даҳаларида ҳаракатланиш тартиби ўрнатилган йўлни билдиради. Турар жой даҳаларида пиёдалар тротуардан ташқари йўлнинг қатнов қисмида ҳам ҳаракатланишлари мумкин.Бунда пиёдалар имтиёзга эга бўлади. Бу белги ўрнатилган йўлларда транспорт воситаси ҳайдовчиларига двигателни ишлатиб турган ҳолда тўхтаб туриш, механик транспорт воситасини бошқаришни ўргатиш ва махсус майдон бўлмаса, тўла вазни 3.5 тоннадан ортиқ бўлган автомобилларнинг тўхтаб туриши тақиқланади. Йўл белгиси қоидасига амал қилмаганлик учун энг кам ойлик иш ҳақининг 0,5 баравари миқдорида маъмурий жавобгарлик белгиланган.























