Ахборот ишора белгилари
5.1 «Автомагистрал”. Йўл ҳаракати қоидаларининг автомагистралларда ҳаракатланиш тартиби ўрнатилган йўл» йўл белгиси

5.1. "Автомагистрал" Бу йўл белгиси автомагистрал бошида ёки унга чиқишда 7.1.1, 7.1.3, 7.1.4. "Манзилгача бўлган масофа" қўшимча йўл белгилари билан бирга, 1000 метргача бўлган масофада ўрнатилади. Белги йирик аҳоли яшаш пунктларини ўзаро боғлайдиган, такомиллаштирилган яъни транспорт воситаларининг тез, хавфсиз ҳаракатланиши учун шароит яратилган йўлнинг бошланишини кўрсатади. Автомагистралларда ҳаракатланишнинг алоҳида тартиби мавжуд бўлиб, бундай йўлда пиёдалар, уй ҳайвонлари, от – аравалар, велосипедлар, мопедлар, трактор ва ўзи юрар машиналарнинг ҳаракатланиши тақиқланади. Бу ҳақда "Йўл ҳаракати қоидалари" 18- бўлимининг бандларида батафсил танишиш мумкин.























